బ్లాగి బ్లాగి బ్లాగీ ప్రేమాభిషేకం లో రాజేష్ లా...

ఒక లైను రాద్దామనుకుంటా
ఒక పేరా రాస్తా
ఆటోమాటిగ్గా రెండో పేరాలోకి వస్తా...
పేజీనిమ్పనిదే కడుపు నిండినట్లు ఉండదు సుస్టుగా తెలుగు భోజనం తిని పెరిగిన ప్రాణం కదా!

...ప్రేమాభిషేకం సినిమాలో
రాజేష్ దగ్గి దగ్గి చచ్చిపోయినట్లుగా
ఏదో ఓ రోజు బ్లాగి బ్లాగి ...చచ్చిపోతాను.
(ఆరు సంవత్సరాల క్రితం ఇప్పటి లాగే అయిదు బ్లాగులు, ఐదు కేటగిరిలుగా
వ్రాసేదాన్ని... బా..గా.. గ్యాప్ వచ్చి అవి కాస్తా గల్లంతయ్యాయి. సం" క్రితం జరిగిన
నా చావు బ్రతుకుల కార్యక్రమం... తదనంతర పరిణామాల కొనసాగింపుగా మా వాళ్ళు,
నా బుక్కులు కట్ట కట్టి అటక మీద దాచి పెట్టారు , నేను బ్రతికి బట్టకట్టాక...పాస్వర్డ్ లు , కీ
వర్డ్ లు పోగొట్టుకు పోయి, నా బ్లాగులు గతించాయి! ఐదు సంవత్సరాల రచనా సంపద...
ప్చ్... ఆలోచనా సముద్రాలు మనిషి మయిన్డులోఉండగా .. ఆవిరయిన మేఘాల గురించి
బాధ పడ్డం అనవసరమే...అయినా బాధ పడీ.. బాధ పడీ ...

...మళ్లీ కొత్త బ్లాగులు స్టార్ట్ చేశా... )

సో ఇలా ఏదో ఓ రోజు (చా.. లా .. సంవత్సరాల తర్వతలెండి ) బ్లాగి, బ్లాగి

చచ్చిపోతాను...

అభిమానంతో మీ మనసుల్లో పెట్టుకుంటారా సరే సరి,

బందీనయి ఉండిపోతా

లేదా...

దెయ్యాన్నయి శాశ్వతంగా స్పేస్ లో గిరికీలు కొడతా!...

హ హ హ హా...

...రాస్తాను, పడుకుంటాను

మళ్లీ లేస్తాను మళ్లీ రాస్తాను ...

...రాస్తూ రాస్తూ చేయాల్సింది మరచిపోతాను

చేస్తూ చేస్తూ రాయాల్సింది మరచిపోతాను...

.... పోగొట్టుకున్నదంటేనే మనిషికి మమత

మంద వంద ఉన్నా తప్పిపోయిన గొర్రె కోసమే కాపరి తాపత్రయం.

తాను పోయినా ప్రేయసి బ్రతికి ఉండాలీ అనుకుంటాడు ప్రేమికుడు

(టైటానిక్ లో డికాప్రియోల )

...అలాగే నేను పోయినా నా బ్లాగులు ఉంటాయనుకున్నాను,

కానీ, నేనున్నాను నా బ్లాగులు పోయాయి...

నేను ప్రేయసినో ప్రేమికున్నో నాకే అర్థం కావటం లేని ఈ క్షణాన ... ఇంతే!