Sunday, January 2, 2011

కాలం సంకెళ్లు వేయలేని.. "నేను"!

తన
హద్దులతో, ఆంక్షలతో
పరిస్థితులతో, పరిమితులతో
కంచెలతో, కొలతలతో
నన్ను బందీని చేసి ఇబ్బంది పెడుతోంది కాలం!

ఈ పని ఈ లోపే చేయాలి
ఈ పనికి ఇంత కాలం పడుతుంది
చెట్టు మొలవాలంటే ఎన్ని రోజులో
పూత పూయాలంటే, కాయ కాయాలంటే 
ఆ కాయ పండవ్వాలంటే కొంత కాలం...
మనిషి పుట్టాలన్నా కొన్ని నెలలు....
జీవితం కొన్ని సంవత్సరాలే!, ...
చావు కొన్నేళ్లకు....

అరె, సూర్యోదయం అవుతూనే లెయ్యాలి
గడియారం గంట కొట్టగానే పనిచేయాలి, తినాలి, తాగాలి
రాత్రవ్వగానే మళ్లీ పడుకోవాలి!, ...
మధ్య మధ్యలో... నచ్చినవీ, నచ్చనివీ 
మనకు నచ్చినవీ ఇతరులకు నచ్చినవీ
.................................................!

ఏం!?, ..
కాలంతో పనిలేని పనులు ఉండవా!
ఈ లోపే చెయ్యాలి...
ఈ లోపే చావాలి...
లాంటి నిర్బంధనాలు లేకుండా
చేస్తూ... జీవిస్తూ... వెళ్లే స్వేఛ్చ లేదా!?

ఎందుకని పొద్దున్నే తినాలి?
ఎందుకని రాత్రిలోగా పరుగెట్టి పని చేయాలి?
యేల ప్రతి వేళా.. 
వేళా, పాలలు చూసుకుంటూ...
ఎవరు బంధించారో కూడా తెలియకుండా, 
ఎందుకు కట్టుబడి కుములుతాం?!!

అయితే వందేళ్లు...
సగటున అరవై...
ఎవరు హద్దు గీశారని నేను దీనికి నిబద్దనవ్వాలి?
ఏం, ఎందుకని... 
నేను ఎన్ని రోజులు బ్రతకాలో...
ఎప్పుడు చావాలో... 
నా నిర్ణయాన్ని నేను తీసుకునే స్వేఛ్చ లేదా!!??

అందుకే... ఓ కాలమా...
నీ సంకెళ్లతో నన్ను బంధించవద్దని 
నిన్ను వేడుకుంటున్నాను..!
మెత్తగా చెబుతున్నానని మాట వినకపోతే...
నా దారికి అడ్డు రాకని నిన్ను ఆదేశిస్తున్నాను..!!
అప్పటికీ మాట వినకపోతే, ..... 
నీ హద్దుల అంతు చూసే ఆనకట్టకు 
blue print నా దగ్గరుందిలే...


2 comments:

  1. Why you got contradiction with time? You just leave it(time). It will go with its own way. Then you will be free. This is unscientific suggestion. Haha :-)
    Or otherwise you pattern your lifestyle with accordance to time. Then you wont get any problem with time. Then also you will be free. This is scientific one.
    In which paper, you are working as a journalist, praveena? Tell me, if you dont mind. Thank you.
    -Nagaraj.

    ReplyDelete
  2. @Nagh Raj...
    TQ verymuch for ur suggestions!

    ReplyDelete